"Сандерленд" ярим ҳимоячиси Гранит Жака Хаби Алонсо билан "Байер"да бирга ишлаган вақтларини эслади.
Швейцариялик футболчи 2023/24 йилги мавсумда "Бавария" гегемонлигини тўхтатган жамоанинг муҳим қисми эди. Жорий йилнинг ёзида Алонсо "доришунослар" сафини тарк этиб, Мадриднинг "Реал" клубини қабул қилиб олди, кўп ўтмай эса Жака ҳам Леверкузендан кетиб, Англияга қайтди.
"Ҳар бир жамоада эго бор, аммо Алонсо сен қанчалик номдор футболчи эканлигинг, трансфер нархи қанча экани билан ҳеч қачон қизиқмаган. Уни фақат сен майдонда нима кўрсата олишинг қизиқтирарди. У сенинг жамоа учун қандай курашаётганингни кўришни хоҳлайди. Агар сен буни қилсанг ва яхши машқ қилсанг - у сенга имконият беради. Бу мени Алонсода энг кўп ҳайратга соладиган жиҳат," - дея 33 ёшли хавбекнинг сўзларини келтиради Madrid Zone.
Испаниялик мутахассис икки ярим йил давомида "Байер"да ишлаган.
