"Bavariya" markaziy himoyachisi Jonatan Ta jamoaning Chempionlar Ligasidagi ishtiroki haqidagi savolga javob berdi.
Vensan Kompani jamoasi olti turdan so‘ng umumiy turnir jadvalida ikkinchi o‘rinni egallab turibdi. Myunxenliklar Londonning "Arsenal" klubiga qarshi kechgan bahsda (1:3) bir marta mag‘lub bo‘lishdi.
- Siz avval ham "PSJ", "Chelsi", "Arsenal" bilan uchrashgansiz va ancha yaxshi o‘yin ko‘rsatgansiz. Bu ishonchni oshirishga yordam beradimi?
- Albatta. Eng yaxshilarga qarshi chiqqaningda, qanday darajada ekanligingni anglaysan. Bu esa jamoamizga ishonch bag‘ishlaydi. "Arsenal" bilan o‘yinda ham, mag‘lubiyatga uchragan bo‘lsak-da, raqibdan uncha yomon ekanligimizni his qilmadik. O‘yindan keyin biz o‘yladik: "Xo‘sh, keyingi safar. Ular bilan yana bir marta o‘ynaymiz.
- Balki finalda?
- To‘g‘ri. Chempionlar Ligasi finalida "Arsenal" bilan to‘qnash kelish ajoyib bo‘lardi," - deb Ta so‘zlarini keltirmoqda Bayern & Germany.
"Bavariya" 7-turda Belgiyaning "Yunion Sent-Jilluaz" jamoasiga qarshi bahs olib boradi.
