"Lion" bilan "Real"dan ijara asosida shartnoma imzolagan braziliyalik hujumchi Endrik bir daqiqa ham o‘ynamay, klub tarixiga kirdi.
23 dekabr kuni "Lion" o‘zining ijtimoiy tarmoqdagi rasmiy akkaunti orqali Endrikning transferini e’lon qildi. Braziliyalik futbolchining transferiga bag‘ishlangan video muxlislarda katta qiziqish uyg‘otdi va ijtimoiy tarmoqlarda klub tarixidagi eng ko‘p ko‘rilgan videoga aylandi. Bu haqda The Touchline X ijtimoiy tarmog‘ida xabar berdi.
Manbaga ko‘ra, 27 dekabr tongida Endrik ishtirokidagi video 1,1 mln martadan ko‘proq ko‘rilgan va klub rekordini yangilagan.
Endrik "Lion" safidagi debyutini 3 yanvar kuni, jamoa "Monako" maydoniga safar qilganida o‘tkazishi mumkin.
