"Лион" билан "Реал"дан ижара асосида шартнома имзолаган бразилиялик ҳужумчи Эндрик бир дақиқа ҳам ўйнамай, клуб тарихига кирди.
23 декабрь куни "Лион" ўзининг ижтимоий тармоқдаги расмий аккаунти орқали Эндрикнинг трансферини эълон қилди. Бразилиялик футболчининг трансферига бағишланган видео мухлисларда катта қизиқиш уйғотди ва ижтимоий тармоқларда клуб тарихидаги энг кўп кўрилган видеога айланди. Бу ҳақда The Touchline Х ижтимоий тармоғида хабар берди.
Манбага кўра, 27 декабрь тонгида Эндрик иштирокидаги видео 1,1 млн мартадан кўпроқ кўрилган ва клуб рекордини янгилаган.
Эндрик "Лион" сафидаги дебютини 3 январь куни, жамоа "Монако" майдонига сафар қилганида ўтказиши мумкин.
