"Betis" yarim himoyachisi Isko navbatdagi jarrohlik amaliyoti boshdan o‘tkazadi.
Mundo Betis xabariga ko‘ra, ispaniyalik futbolchi dushanba kuni tizzasidan operasiya qilinadi. O‘yinchiga bo‘g‘im ichidagi tog‘ay shikastlanishini bartaraf etishga qaratilgan artroskopik muolaja o‘tkaziladi.
Tibbiy aralashuv tizza holatini barqarorlashtirish va keyinchalik tiklash uchun zarur.
Isko 27 noyabr kuni Yevropa ligasi doirasida "Utrext"ga qarshi o‘yinda jamoadoshi Sofyan Amrabat bilan to‘qnashib ketib, jarohat olgan. Joriy mavsumda yarim himoyachi bor yo‘g‘i ikkita uchrashuvda ishtirok etdi.
