"Бетис" ярим ҳимоячиси Иско навбатдаги жарроҳлик амалиёти бошдан ўтказади.

Mundo Betis хабарига кўра, испаниялик футболчи душанба куни тиззасидан операция қилинади. Ўйинчига бўғим ичидаги тоғай шикастланишини бартараф этишга қаратилган артроскопик муолажа ўтказилади.

Тиббий аралашув тизза ҳолатини барқарорлаштириш ва кейинчалик тиклаш учун зарур.

Иско 27 ноябрь куни Европа лигаси доирасида "Утрехт"га қарши ўйинда жамоадоши Софьян Амрабат билан тўқнашиб кетиб, жароҳат олган. Жорий мавсумда ярим ҳимоячи бор йўғи иккита учрашувда иштирок этди.