Londonning "Arsenal" klubi bosh murabbiyi Mikel Arteta jamoa himoyachisi Gabriel dos Santosning maydonga qaytishi haqida fikr bildirdi.
Eslatib o‘tamiz, braziliyalik futbolchi jarohati tufayli noyabr oyi boshidan buyon maydonga tushmayotgan edi. Ammo Angliya chempionatining o‘tgan turida "Brayton"ga qarshi kechgan bahsda (2:1) Gabriel 71-daqiqada zaxiradan maydonga tushdi.
"Biz voqealarni biroz tezlashtirishimiz kerak edi, lekin u o‘zini qulay his qildi va juda baxtli edi. Biz uni kutilganidan biroz oldinroq maydonga tashlashga majbur bo‘ldik, shuning uchun endi uning daqiqalari va yuklamasini nazorat qilishimiz kerak," - deya Artetaning so‘zlarini keltiradi BeIN.
Joriy mavsumda Gabriel dos Santos barcha turnirlar hisobida 17 ta o‘yinda maydonga tushib, 2 ta gol urdi va 3 ta golli uzatmani o‘z hisobiga yozdirib qo‘ydi.
