Myunxenning "Bavariya" klubi yarim himoyachisi Leon Goreska faoliyatini tumanli "Albion"da davom ettirishi mumkin. Bu haqda Caught Offside jurnalistlari xabar bermoqda.
Manbaga ko‘ra, germaniyalik xavbekning transferiga Londonning "Tottenxem" klubi qiziqish bildirmoqda. "Shporlar" Goreskani yanvar oyidagi transfer oynasida qo‘lga kiritishga urinib ko‘radi. Futbolchining agenti ingliz klubi bilan muzokara boshladi.
Futbolchining "Bavariya" bilan amaldagi shartnomasi 2026 yilning yozida yakuniga yetadi.
Leon Myunxen grandi sharafini 2018 yildan buyon himoya qilib kelmoqda. Joriy mavsumda yarim himoyachi 14 ta o‘yinda qatnashdi.













