Мюнхеннинг "Бавария" клуби ярим ҳимоячиси Леон Горецка фаолиятини туманли "Альбион"да давом эттириши мумкин. Бу ҳақда Caught Offside журналистлари хабар бермоқда.
Манбага кўра, германиялик хавбекнинг трансферига Лондоннинг "Тоттенхэм" клуби қизиқиш билдирмоқда. "Шпорлар" Горецкани январь ойидаги трансфер ойнасида қўлга киритишга уриниб кўради. Футболчининг агенти инглиз клуби билан музокара бошлади.
Футболчининг "Бавария" билан амалдаги шартномаси 2026 йилнинг ёзида якунига етади.
Леон Мюнхен гранди шарафини 2018 йилдан буён ҳимоя қилиб келмоқда. Жорий мавсумда ярим ҳимоячи 14 та ўйинда қатнашди.
