Angliya chempionatining 18-turida "Tottenxem" safarda "Kristal Pelas"ni mag‘lub etdi - 1:0.
Yagona gol muallifi Archi Grey bo‘ldi, u 42-daqiqada Risharlisonning uzatmasini golga aylantirdi. O‘yinda Risharlisonning ikkita goli ofsayd tufayli inobatga olinmadi.
"Kristal Pelas" 26 ochko bilan APL turnir jadvalida to‘qqizinchi o‘rinni saqlab turibdi. Jamoa barcha turnirlarda g‘alabasiz seriyasini beshta o‘yinga yetkazdi. "Tottenxem" 25 ochko bilan chempionatda 11-pog‘onaga ko‘tarildi.
1 yanvar kuni "burgutlar" o‘z maydonida "Fulxem"ga qarshi bahs olib borsa, "shporlar" safarda "Brentford" bilan kuch sinashadi.
Kristal Pelas - Tottenxem - 0:1
Gol: Grey, 42 (0:1)
Kristal Pelas: Xenderson, Gexi, Lakrua, Lerma, Mitchell, Uorton, Xyuz, Klayn (Nketia, 58), Pino (Uche, 77), Devenni (Ess, 85), Mateta
Tottenxem: Vikario, Spens, van de Ven, Danso, Porro, Grey (Dregushin, 86), Bentankur, Kolo Muani (Odober, 63), Bergvall (Palinya, 63), Kudus (Djonson, 85), Risharlison
Ogohlantirishlar: Xyuz, 45. Lakrua, 46. Lerma, 85 - Danso, 5. Grey, 22
