"Liverpul" yarim himoyachisi Rayan Gravenberx jamoa qaysi jihatlarini yaxshilashi kerakligini aytdi.
Niderlandiyalik futbolchining fikriga ko‘ra, "qizillar" to‘pga egalik qilishda aqlliroq harakat qilishlari kerak.
"Biz ko‘p o‘yinlar o‘tkazamiz, albatta charchoq yig‘iladi, ammo, menimcha, bunday sharoitda to‘pni ko‘proq nazorat qilishga harakat qilish kerak, har doim oldinga o‘ynashga urinmaslik kerak. To‘pni uzoqroq saqlab, raqiblarni yugurishga va charchashga majbur qilsak, ishimiz yaxshi bo‘lardi. Hozircha buning uddasidan chiqa olmayapmiz, biroq, mening fikrimcha, aynan shu ustida ishlashimiz kerak," - deya Gravenberxning so‘zlarini keltiradi ingliz OAV.
Arne Slot jamoasi Premyer-liga 18-turidan keyin turnir jadvalida to‘rtinchi o‘rinda bormoqda. 1 yanvar kuni mersisaydliklar o‘z uyida "Lids"ni qabul qiladi.
