"Ливерпуль" ярим ҳимоячиси Райан Гравенберх жамоа қайси жиҳатларини яхшилаши кераклигини айтди.
Нидерландиялик футболчининг фикрига кўра, "қизиллар" тўпга эгалик қилишда ақллироқ ҳаракат қилишлари керак.
"Биз кўп ўйинлар ўтказамиз, албатта чарчоқ йиғилади, аммо, менимча, бундай шароитда тўпни кўпроқ назорат қилишга ҳаракат қилиш керак, ҳар доим олдинга ўйнашга уринмаслик керак. Тўпни узоқроқ сақлаб, рақибларни югуришга ва чарчашга мажбур қилсак, ишимиз яхши бўларди. Ҳозирча бунинг уддасидан чиқа олмаяпмиз, бироқ, менинг фикримча, айнан шу устида ишлашимиз керак," - дея Гравенберхнинг сўзларини келтиради инглиз ОАВ.
Арне Слот жамоаси Премьер-лига 18-туридан кейин турнир жадвалида тўртинчи ўринда бормоқда. 1 январь куни мерсисайдликлар ўз уйида "Лидс"ни қабул қилади.
