"Manchester Siti" va Italiya terma jamoasi posboni Janluiji Donnarumma dunyoning eng qimmat darvozaboni deb topildi.
Transfermarkt portali italiyalik futbolchining narxini 45 mln yevroga baholamoqda. Bu kuchli uchlikka kiruvchi Diogu Koshta va Gregor Kobeldan (har biri 40 mln yevrodan) besh millionga ko‘p.
Donnarumma 2025 yilning yozida "PSJ"dan 30 mln yevro evaziga Angliyaga ko‘chib o‘tgandi. Parijliklar u bilan yangi shartnoma shartlari bo‘yicha kelisha olmadi.
Italiyalik futbolchining "shaharliklar" bilan amaldagi kelishuvi 2030 yilning 30 iyuniga qadar mo‘ljallangan. U 2025/2026 yilgi mavsumda 26 ta o‘yinda maydonga tushib, 20 ta gol o‘tkazib yuborgan. Donnarumma 14 ta uchrashuvda gol o‘tkazmagan.













