Saudiya Arabistonining «Al-Hilol» klubi himoyachisi Joau Kanselu yanvar oyidagi transferlar oynasida jamoani tark etishi ehtimoli yuqori. Bu haqda jurnalist va insayder Fabrisio Romano X ijtimoiy tarmog‘ida (sobiq Twitter) xabar berdi.

Manba ma’lumotiga ko‘ra, «Inter» «Al-Hilol»ga ijara shartlari va ehtimoliy kelishuv bo‘yicha murojaat qilgan. Shuningdek, so‘nggi 48 soat ichida «Barselona» va «Yuventus» ham Kanseluning holati haqida ma’lumot olish uchun «Al-Hilol» bilan bog‘langani ta’kidlanmoqda.

Kanselu 31 yoshda. U «Al-Hilol» safida 2024 yil yozidan beri to‘p surib kelmoqda. Joriy mavsumda portugaliyalik futbolchi klub darajasida olti o‘yinda maydonga tushib, bir gol urdi va ikki golli uzatmani amalga oshirdi. Joauning klub bilan amaldagi shartnomasi 2027 yil iyun oyi oxirigacha mo‘ljallangan. Nufuzli Transfermarkt internet-portali portugaliyalik himoyachining bozor qiymatini 10 million yevro deb baholamoqda.

Avvalroq Kanselu «Inter», «Barselona» va «Yuventus» jamoalari sharafini ham himoya qilgan. Shuningdek, u faoliyati davomida «Bavariya», «Manchester Siti», «Valensiya» va «Benfika» klublarida ham o‘ynagan.