Ispaniyalik xavbek Martin Subimendi Angliya chempionatining 19-turi doirasida Londonning "Arsenal" klubi o‘z maydonida Birmingemning "Aston Villa" klubini mag‘lub etgani haqida fikr bildirdi.
Bahsda "kanonirlar" yirik 4:1 hisobida g‘alaba qozondi.
"Arsenal"ning ajoyib o‘yini. Bizga shunday g‘alaba kerak edi. O‘z uyimizda o‘ynadik va 2025 yilni APLda birinchi o‘rinda yakunlamoqchi edik. Muxlislarimiz jamoani oldinga boshlashdi, to‘xtashimizga imkon berishmadi. Biz o‘zimiz va muxlislar uchun xursandmiz," - deya yarim himoyachining so‘zlarini keltiradi "kanonirlar" matbuot xizmati.
London top-klubi 45 ochko jamg‘arib, Premyer-liga turnir jadvalida birinchi o‘rinda bormoqda.













