Madridning “Real” klubi hujumchisi Kilian Mbappe 2025 yil davomida barcha musobaqalar doirasida jami 59 ta uchrashuvda maydonga tushib, o‘z hisobiga 59 ta gol yozdirib qo‘ydi. Opta Sport nashri xabariga ko‘ra, bu ko‘rsatkich Yevropaning top-5 ligalarida to‘p surayotgan barcha futbolchilar orasida eng yaxshisi hisoblanadi.

Shuningdek, Mbappe “Real” futbolchilari orasida bir yil ichida kiritilgan gollar bo‘yicha mutlaq klub rekordini ham takrorladi. Mazkur natija 2013-yilda portugaliyalik Krishtianu Ronaldu tomonidan qayd etilgan bo‘lib, u ham o‘sha mavsumda barcha turnirlarda 59 ta gol urgandi.

Ma’lumot uchun, Kilian Mbappe 2024 yil yozidan buyon “Real” safida harakat qilmoqda. Hozirga qadar u “qirollik klubi” tarkibida jami 83 ta o‘yinda maydonga tushib, o‘z hisobiga 73 ta gol va 10 ta golli uzatmaga mualliflik qilgan. Fransiyalik futbolchining klub bilan shartnomasi 2029 yil iyuniga qadar amal qiladi.