«Tottenxem»ning X ijtimoiy tarmog‘idagi sahifasida 24 yoshli qanot hujumchisi Brennan Jonsonning «Kristal Pelas»ga ko‘chib o‘tganini ma’lum qildi. Avvalroq jurnalist Fabrisio Romano «bүrgutlar» vinger uchun 33,5 mln funt (38,5 mln yevro) to‘lashini xabar qilgan edi.

«24 yoshli uelslik futbolchining nomi o‘tgan mavsumdagi Yevropa ligasi UYEFA finalida g‘alaba golini urgan o‘yinchi sifatida klub tariximizga abadiy yozilib qoladi. Uning aniq zarbasi Bilbaoda bo‘lib o‘tgan «Manchester Yunayted»ga qarshi bahsda yagona gol bo‘ldi va aynan shu gol orqali biz g‘alaba qozondik.

Brennanga qo‘shgan hissasi uchun minnatdorlik bildiramiz va kelajakda unga omad tilaymiz», — deyiladi London klubi xabarida.

Jonson 2023 yil sentyabridan beri «Tottenxem» safida to‘p surib kelar edi. Shu vaqt mobaynida hujumchi barcha musobaqalarda 106 ta uchrashuvda ishtirok etib, 27 ta gol va 18 ta golli uzatmaga mualliflik qilgan. Transfermarkt portali ma’lumotlariga ko‘ra, futbolchining bozor qiymati €35 mlnni tashkil etadi.