"Manchester Siti"ning 20 yoshli markaziy himoyachisi Jamay Simpson-Pyuzi yana bir bor ijaraga beriladi. Bu haqda Sky Sport Germany xabar berdi.
Manbaga ko‘ra, futbolchi Bundesligada o‘n birinchi o‘rinda borayotgan Germaniyaning "Kyoln" klubi safiga borib qo‘shiladi. Hozirda futbolchi "Seltik"ga ijaraga berilgan, ammo u ushbu transfer oynasida jamoasini o‘zgartirishi kerak. Bitim sotib olish imkoniyatini nazarda tutadi.
Yosh inglizning tibbiy ko‘rigi 4 yanvar kuni bo‘lib o‘tishi kerak, ertasi kuni bitim hujjatlar bilan rasmiylashtiriladi. Simpson-Pyuzi joriy mavsum "Seltik" safida bor yo‘g‘i 2 ta rasmiy o‘yinda maydonga tushdi.
