"Манчестер Сити"нинг 20 ёшли марказий ҳимоячиси Жамай Симпсон-Пьюзи яна бир бор ижарага берилади. Бу ҳақда Sky Sport Germany хабар берди.
Манбага кўра, футболчи Бундеслигада ўн биринчи ўринда бораётган Германиянинг "Кёльн" клуби сафига бориб қўшилади. Ҳозирда футболчи "Селтик"га ижарага берилган, аммо у ушбу трансфер ойнасида жамоасини ўзгартириши керак. Битим сотиб олиш имкониятини назарда тутади.
Ёш инглизнинг тиббий кўриги 4 январь куни бўлиб ўтиши керак, эртаси куни битим ҳужжатлар билан расмийлаштирилади. Симпсон-Пьюзи жорий мавсум "Селтик" сафида бор йўғи 2 та расмий ўйинда майдонга тушди.
