Angliya Premyer-ligasi 20-turidan o‘rin olgan "Fulxem" - "Liverpul" uchrashuvi yakuniga yetdi. Bahs 2:2 hisobida durang bilan yakunlandi.
O‘yinda hisobni Xarri Uilson ochdi. Mezbonlar hujumchisi 17-daqiqada raqib darvozasini ishg‘ol qildi. Ikkinchi bo‘limning 57-daqiqasida mersisaydliklar yarim himoyachisi Florian Virs hisobni tenglashtirdi. Uchrashuvning 90+4-daqiqasida mehmonlar yarim himoyachisi Kodi Gakpo jamoasini hisobda oldinga olib chiqdi. "Fulxem" xavbeki Xarrison Rid 90+7-daqiqada hisobni tenglashtirdi.
"Fulxem" Angliya chempionatida 20 ta uchrashuv o‘tkazib, ochkolari sonini 28 taga yetkazib oldi va musobaqa jadvalida 11-o‘rinda bormoqda. "Liverpul" esa to‘rtinchi pog‘onada bormoqda, jamoa hisobida 34 ochko mavjud.
Fulxem - Liverpul - 2:2
Gollar: Uilson, 17 (1:0). Virs, 57 (1:1). Gakpo, 90+4 (1:2). Rid, 90+7 (2:2)
Fulxem: Leno, Andersen, Kuenka, Diop, Kerni (Berge, 74), Lukich (Rid, 90+2), Robinson, Kastan, Uilson (Traore, 85), Smit-Rou (Kevin, 74), Ximenes (Kusi-Asare, 85)
Liverpul: Alisson, van Deyk, Konate, Kerkez, Bredli, Djons (Kyeza, 85), Gravenberx, Makallister, Virs (Frimpong, 76), Soboslai, Gakpo (Gomes, 90+6)
Ogohlantirishlar: Uilson, 71 - Gakpo, 90
