Англия Премьер-лигаси 20-туридан ўрин олган "Фулхэм" - "Ливерпуль" учрашуви якунига етди. Баҳс 2:2 ҳисобида дуранг билан якунланди.

Ўйинда ҳисобни Харри Уилсон очди. Мезбонлар ҳужумчиси 17-дақиқада рақиб дарвозасини ишғол қилди. Иккинчи бўлимнинг 57-дақиқасида мерсисайдликлар ярим ҳимоячиси Флориан Вирц ҳисобни тенглаштирди. Учрашувнинг 90+4-дақиқасида меҳмонлар ярим ҳимоячиси Коди Гакпо жамоасини ҳисобда олдинга олиб чиқди. "Фулхэм" хавбеки Харрисон Рид 90+7-дақиқада ҳисобни тенглаштирди.

"Фулхэм" Англия чемпионатида 20 та учрашув ўтказиб, очколари сонини 28 тага етказиб олди ва мусобақа жадвалида 11-ўринда бормоқда. "Ливерпуль" эса тўртинчи поғонада бормоқда, жамоа ҳисобида 34 очко мавжуд.

Фулхэм - Ливерпуль - 2:2

Голлар: Уилсон, 17 (1:0). Вирц, 57 (1:1). Гакпо, 90+4 (1:2). Рид, 90+7 (2:2)

Фулхэм: Лено, Андерсен, Куэнка, Диоп, Кэрни (Берге, 74), Лукич (Рид, 90+2), Робинсон, Кастань, Уилсон (Траоре, 85), Смит-Роу (Кевин, 74), Хименес (Куси-Асаре, 85)

Ливерпуль: Алиссон, ван Дейк, Конате, Керкез, Брэдли, Джонс (Кьеза, 85), Гравенберх, Макаллистер, Вирц (Фримпонг, 76), Собослаи, Гакпо (Гомес, 90+6)

Огоҳлантиришлар: Уилсон, 71 - Гакпо, 90