Polsha futbolining eng iqtidorli o‘smirlaridan biri, hujumchi Oskar Petushevski Portugaliyaga ko‘chib o‘tishga yaqin. "Yagelloniya"ning 17 yoshli futbolchisi xizmatiga "Portu" qiziqish bildirmoqda, deb xabar beradi Polsat Sport.

Manbaga ko‘ra, klublar allaqachon transfer va 3 yillik shartnoma bo‘yicha dastlabki kelishuvga erishgan. Kelishuv summasi 10 million yevrodan sal kamroq bo‘ladi, avvalroq "Yagelloniya" 11 million yevroni talab qilgandi.

Joriy mavsumda asosan chap qanot vingeri sifatida harakat qilayotgan Petushevski klub miqyosida 31 ta o‘yinda maydonga tushib, 3 ta gol urdi, 4 ta ogohlantirish oldi va 2 ta golli uzatmani amalga oshirdi.