"Barselona" bosh murabbiyi Xans-Diter Flik markaziy hujumchi pozisiyasidagi raqobat haqida gapirdi.
"Barselona" kabi klubda har bir chiziqda ikkitadan yuqori saviyali futbolchi bo‘lishi kerak. Torres o‘zini yaxshi ko‘rsatmoqda va gol urmoqda, ammo Levandovski ham. Ular mashg‘ulotlarda va hatto zaxira o‘rindig‘ida qolganlarida ham ishga yaxshi munosabatda bo‘lishadi. Barcha o‘yinchilar jamoa uchun maksimal darajada harakat qilishlari kerak. Men shuni ko‘rmoqchiman," - dedi Flik matbuot anjumanida.
Ayni damda "Barselona" Ispaniya Superkubogi yarim finalida "Atletik"ka qarshi bahsga tayyorgarlik ko‘rmoqda. O‘yin 7 yanvar kuni bo‘lib o‘tadi.
