"Барселона" бош мураббийи Ханс-Дитер Флик марказий ҳужумчи позициясидаги рақобат ҳақида гапирди.
"Барселона" каби клубда ҳар бир чизиқда иккитадан юқори савияли футболчи бўлиши керак. Торрес ўзини яхши кўрсатмоқда ва гол урмоқда, аммо Левандовски ҳам. Улар машғулотларда ва ҳатто захира ўриндиғида қолганларида ҳам ишга яхши муносабатда бўлишади. Барча ўйинчилар жамоа учун максимал даражада ҳаракат қилишлари керак. Мен шуни кўрмоқчиман," - деди Флик матбуот анжуманида.
Айни дамда "Барселона" Испания Суперкубоги ярим финалида "Атлетик"ка қарши баҳсга тайёргарлик кўрмоқда. Ўйин 7 январь куни бўлиб ўтади.
