"Manchester Siti" markaziy himoyachisi Natan Ake "Barselona" qiziqishlari doirasida.
O‘tgan yil oxirida xabar qilinganidek, "shaharliklar" niderlandiyalik futbolchidan umid qilmayapti va qishki transferlar oynasida u bilan xayrlashishga tayyor. "Ko‘k-anorranglilar" Akeni nishonlardan biri sifatida belgilashdi, ammo "Manchester Siti"ning mudofaa markazida kadrlar bilan bog‘liq muammolar kuchaygani sababli 30 yoshli futbolchini o‘z safiga qo‘shib olish oson bo‘lmaydi, deb xabar beradi Transfer News Live El Chiringuito nashriga tayanib. Yaqinda Yoshko Gvardiol va Ruben Diashning olgan jarohati vaziyatni murakkablashtirdi.
Natan Akening narxi Transfermarkt portali tomonidan 18 mln yevroga baholanmoqda. Futbolchining amaldagi shartnomasi 2027 yilning o‘rtalarida o‘z nihoyasiga etadi.













