"Манчестер Сити" марказий ҳимоячиси Натан Аке "Барселона" қизиқишлари доирасида.
Ўтган йил охирида хабар қилинганидек, "шаҳарликлар" нидерландиялик футболчидан умид қилмаяпти ва қишки трансферлар ойнасида у билан хайрлашишга тайёр. "Кўк-анорранглилар" Акени нишонлардан бири сифатида белгилашди, аммо "Манчестер Сити"нинг мудофаа марказида кадрлар билан боғлиқ муаммолар кучайгани сабабли 30 ёшли футболчини ўз сафига қўшиб олиш осон бўлмайди, деб хабар беради Transfer News Live El Chiringuito нашрига таяниб. Яқинда Йошко Гвардиол ва Рубен Диашнинг олган жароҳати вазиятни мураккаблаштирди.
Натан Акенинг нархи Transfermarkt портали томонидан 18 млн еврога баҳоланмоқда. Футболчининг амалдаги шартномаси 2027 йилнинг ўрталарида ўз ниҳоясига этади.
