"Manchester Siti" vingeri Oskar Bobb Dortmundning "Borussiya" klubiga o‘tishi mumkin. Bu haqda jurnalist Ekrem Konur ma’lum qildi.
Manbaga ko‘ra, ayni paytda "Borussiya" 22 yoshli norvegiyalik futbolchini sotib olish huquqi bilan ijaraga olish bo‘yicha faol muzokaralar olib bormoqda. Ta’kidlanishicha, "asalarilar" Bobbning to‘laqonli transferi uchun taxminan 34,5 mln yevro to‘lashga tayyor. "Tottenxem", "Bornmut", "Sevilya", "Atletiko", "Nyukasl" va "Kristal Pelas" klublari vaziyatni kuzatib bormoqda.
Joriy mavsumda Bobb barcha musobaqalarni inobatga olgan holda 15 ta o‘yinda maydonga tushdi va 1 ta golli uzatmani amalga oshirdi. Futbolchining "shaharliklar" bilan shartnomasi 2029 yilgacha mo‘ljallangan.













