"Nyukasl" va "Manchester Siti" klublarining sobiq darvozaboni Shey Given "Tottenxem" ustozi Tomas Frank bilan sodir bo‘layotgan voqealarni diqqat bilan kuzatmoqda.
"Frank juda yomon ko‘rinyapti, u tabassum qilmayapti. Mana, top-klubda ishlash nima qiladi. U xotirjam uyga borib, sakkiz soat uxlay olmaydi, tun bo‘yi to‘lg‘anib, qiyin o‘ylardan uyg‘onishi, keyingi mashg‘ulot, o‘yin, inqirozdan chiqish yo‘llarini o‘ylashi kerak bo‘ladi", - deya sobiq darvozabonning so‘zlarini keltiradi BBC Sport.
"Tottenxem" Angliya Premyer-ligasi turnir jadvalida o‘n to‘rtinchi o‘rinni egallab turibdi.
