"Ньюкасл" ва "Манчестер Сити" клубларининг собиқ дарвозабони Шей Гивен "Тоттенхэм" устози Томас Франк билан содир бўлаётган воқеаларни диққат билан кузатмоқда.
"Франк жуда ёмон кўриняпти, у табассум қилмаяпти. Мана, топ-клубда ишлаш нима қилади. У хотиржам уйга бориб, саккиз соат ухлай олмайди, тун бўйи тўлғаниб, қийин ўйлардан уйғониши, кейинги машғулот, ўйин, инқироздан чиқиш йўлларини ўйлаши керак бўлади", - дея собиқ дарвозабоннинг сўзларини келтиради BBC Sport.
"Тоттенхэм" Англия Премьер-лигаси турнир жадвалида ўн тўртинчи ўринни эгаллаб турибди.
