Kataloniyaning "Barselona" klubi sport direktori lavozimida ishlab kelayotgan futbol funksioneri Deku jamoaning germaniyalik darvozaboni Mark-Andre ter Shtegenning jarohatiga izoh berdi.
"Mark-Andre tizzasida noxush sezgilarni his qildi. U xavotirda edi, chunki u ilgari ham shunday jarohat olgan edi. Ammo jiddiy hech narsa yo‘qligidan hammamiz xursandmiz," - deya funksionerning so‘zlarini keltiradi Sport.es.
33 yoshli darvozabon "ko‘k-anorranglilar" safida 2014 yildan buyon to‘p tepib kelmoqda. Tomonlar o‘rtasidagi amaldagi shartnoma 2027/2028 yilgi mavsum yakunida o‘z nihoyasiga yetadi. Ter Shtegenning bozor narxi yetti million yevroga baholanmoqda.
