Каталониянинг "Барселона" клуби спорт директори лавозимида ишлаб келаётган футбол функционери Деку жамоанинг германиялик дарвозабони Марк-Андре тер Штегеннинг жароҳатига изоҳ берди.
"Марк-Андре тиззасида нохуш сезгиларни ҳис қилди. У хавотирда эди, чунки у илгари ҳам шундай жароҳат олган эди. Аммо жиддий ҳеч нарса йўқлигидан ҳаммамиз хурсандмиз," - дея функционернинг сўзларини келтиради Sport.es.
33 ёшли дарвозабон "кўк-анорранглилар" сафида 2014 йилдан буён тўп тепиб келмоқда. Томонлар ўртасидаги амалдаги шартнома 2027/2028 йилги мавсум якунида ўз ниҳоясига етади. Тер Штегеннинг бозор нархи етти миллион еврога баҳоланмоқда.
