Braziliyalik markaziy himoyachi Tyago Silva "Portu"ga o‘tishi haqida fikr bildirdi. 41 yoshli faxriy Portugaliya grandi bilan joriy mavsum yakuniga qadar bir mavsumga uzaytirish huquqi bilan mehnat shartnomasini imzolagan.
"Men bu ajoyib klubga qaytdim. Aynan shu yerda Yevropadagi faoliyatim boshlangandi. "Portu"ni o‘z uyim deyishim mumkin. Ishni boshlashni intiqlik bilan kutyapman, klubga bildirilgan ishonch uchun minnatdorchilik bildirmoqchiman. Ko‘rishguncha!," - deyiladi tajribali futbolchining postida.
Yevropada Silva "Milan", "PSJ" va "Chelsi" klublaridagi o‘yinlari bilan tanilgan. Uning "Portu"ga qaytishidan oldingi so‘nggi klubi "Fluminense" edi.
