Бразилиялик марказий ҳимоячи Тьяго Силва "Порту"га ўтиши ҳақида фикр билдирди. 41 ёшли фахрий Португалия гранди билан жорий мавсум якунига қадар бир мавсумга узайтириш ҳуқуқи билан меҳнат шартномасини имзолаган.
"Мен бу ажойиб клубга қайтдим. Айнан шу ерда Европадаги фаолиятим бошланганди. "Порту"ни ўз уйим дейишим мумкин. Ишни бошлашни интиқлик билан кутяпман, клубга билдирилган ишонч учун миннатдорчилик билдирмоқчиман. Кўришгунча!," - дейилади тажрибали футболчининг постида.
Европада Силва "Милан", "ПСЖ" ва "Челси" клубларидаги ўйинлари билан танилган. Унинг "Порту"га қайтишидан олдинги сўнгги клуби "Флуминенсе" эди.
