"Marsel" bosh murabbiyi Roberto De Dzerbi Fransiya Superkubogi uchrashuvi oldidan matbuot anjumanida ishtirok etdi. "PSJ" bilan o‘yin 8 yanvar kuni Kuvaytda bo‘lib o‘tadi.
"Qanday o‘yinni kutyapman? Bilmadim. Lekin biz nimani xohlashimizni bilamiz. Biz juda shiddatli va yuqori darajadagi fidokorlik bilan o‘yin o‘tkazishimiz kerak, go‘yo biz nafaqat finalda, balki boshqa narsa uchun o‘ynayotgandek," - deya De Dzerbining so‘zlarini keltiradi Paris Fans.
"Butun o‘yin davomida xotirjamlik, sovuqqonlik va muvozanatni saqlashimiz, shuningdek, jangovar bo‘lishimiz, ammo ortiqcha asabiylashmasligimiz kerak. To‘p bizda bo‘lganida o‘ynash, to‘p yo‘qligida esa uni qaytarib olish uchun jasorat kerak bo‘ladi."
O‘yin Toshkent vaqti bilan 23:00'da start oladi.
