"Марсель" бош мураббийи Роберто Де Дзерби Франция Суперкубоги учрашуви олдидан матбуот анжуманида иштирок этди. "ПСЖ" билан ўйин 8 январь куни Кувайтда бўлиб ўтади.
"Қандай ўйинни кутяпман? Билмадим. Лекин биз нимани хоҳлашимизни биламиз. Биз жуда шиддатли ва юқори даражадаги фидокорлик билан ўйин ўтказишимиз керак, гўё биз нафақат финалда, балки бошқа нарса учун ўйнаётгандек," - дея Де Дзербининг сўзларини келтиради Paris Fans.
"Бутун ўйин давомида хотиржамлик, совуққонлик ва мувозанатни сақлашимиз, шунингдек, жанговар бўлишимиз, аммо ортиқча асабийлашмаслигимиз керак. Тўп бизда бўлганида ўйнаш, тўп йўқлигида эса уни қайтариб олиш учун жасорат керак бўлади."
Ўйин Тошкент вақти билан 23:00'да старт олади.
