Rimning "Roma" klubi markaziy hujumchisi Artyom Dovbik Italiya chempionati doirasida "Lechche"ga qarshi kechgan bahsda olgan jarohati tufayli uzoq muddatga safdan chiqdi.
Insayder Matteo Morettoning xabar berishicha, ukrainalik hujumchining tiklanish muddati taxminan ikki oyni tashkil qiladi. Avvalroq matbuotda rimliklar Dovbikni yanvarda sotib yubormoqchi ekani haqida xabar paydo bo‘lgandi, biroq jarohat tufayli buni amalga oshirish oson bo‘lmaydi.
Italiya A Seriyasining joriy mavsumida hujumchi 13 ta o‘yinda qatnashib, 3 ta gol va 1 ta golli uzatmani o‘z hisobiga yozdirib qo‘ydi.
