Римнинг "Рома" клуби марказий ҳужумчиси Артём Довбик Италия чемпионати доирасида "Лечче"га қарши кечган баҳсда олган жароҳати туфайли узоқ муддатга сафдан чиқди.
Инсайдер Маттео Мореттонинг хабар беришича, украиналик ҳужумчининг тикланиш муддати тахминан икки ойни ташкил қилади. Аввалроқ матбуотда римликлар Довбикни январда сотиб юбормоқчи экани ҳақида хабар пайдо бўлганди, бироқ жароҳат туфайли буни амалга ошириш осон бўлмайди.
Италия А Сериясининг жорий мавсумида ҳужумчи 13 та ўйинда қатнашиб, 3 та гол ва 1 та голли узатмани ўз ҳисобига ёздириб қўйди.
