"Manchester Yunayted"ning sobiq ustozi Ruben Amorim faoliyatini Portugaliya chempionatida davom ettirishi mumkin. Bu haqda talkSport xabar berdi.

Manbaga ko‘ra, mutaxassis Lissabonning "Benfika" klubi boshqaruviga nomzod sifatida ko‘rilmoqda. Ayni damda portugaliyaliklarni yulduz murabbiy Joze Mourinyo boshqarmoqda. "Special One"ning kelajagi hozircha noma’lum, chunki uning shartnomasida Portugaliya terma jamoasidan taklif bo‘lsa, kelasi yozda muddatidan oldin ketish imkoniyati ko‘rsatilgan.

"Benfika" joriy mavsumda Chempionlar ligasining umumiy bosqichida ishtirok etayotgan bo‘lsa, milliy chempionatda uchinchi o‘rinda bormoqda.