"Манчестер Юнайтед"нинг собиқ устози Рубен Аморим фаолиятини Португалия чемпионатида давом эттириши мумкин. Бу ҳақда talkSport хабар берди.
Манбага кўра, мутахассис Лиссабоннинг "Бенфика" клуби бошқарувига номзод сифатида кўрилмоқда. Айни дамда португалияликларни юлдуз мураббий Жозе Моуриньо бошқармоқда. "Special One"нинг келажаги ҳозирча номаълум, чунки унинг шартномасида Португалия терма жамоасидан таклиф бўлса, келаси ёзда муддатидан олдин кетиш имконияти кўрсатилган.
"Бенфика" жорий мавсумда Чемпионлар лигасининг умумий босқичида иштирок этаётган бўлса, миллий чемпионатда учинчи ўринда бормоқда.
