Tez orada "Manchester Yunayted" mavsum oxirigacha jamoada Maykl Kerrik ishlashini e’lon qiladi. Yozda esa "qizil iblislar" tajribaga ega va jiddiy bosimga dosh bera oladigan nufuzli mutaxassisni tayinlashni rejalashtirmoqda.
Mirror xabariga ko‘ra, "Manchester Yunayted"ning asosiy maqsadlaridan biri hozirda "PSJ" boshqaruvida o‘zini yaxshi ko‘rsatayotgan Luis Enrike bo‘ldi.
"Klubdagilarning fikricha, Enrikeda "Yunayted"ga murabbiy tanlashda kerak bo‘ladigan "g‘alaba mentaliteti" bor," - deyiladi xabarda.
"MYU" Luis Enrikening taklif qilinishiga uning shartnomaviy holati umid bermoqda. Ispaniyalik mutaxassisning "PSJ" bilan shartnomasi 2027 yilning yarmigacha mo‘ljallangan. Agar shartnoma yozgacha uzaytirilmasa, "qizil iblislar" katta tovon to‘lamaydi. Lekin, barchasi murabbiyning xohishiga bog‘liq bo‘ladi.













