Тез орада "Манчестер Юнайтед" мавсум охиригача жамоада Майкл Кэррик ишлашини эълон қилади. Ёзда эса "қизил иблислар" тажрибага эга ва жиддий босимга дош бера оладиган нуфузли мутахассисни тайинлашни режалаштирмоқда.
Mirror хабарига кўра, "Манчестер Юнайтед"нинг асосий мақсадларидан бири ҳозирда "ПСЖ" бошқарувида ўзини яхши кўрсатаётган Луис Энрике бўлди.
"Клубдагиларнинг фикрича, Энрикеда "Юнайтед"га мураббий танлашда керак бўладиган "ғалаба менталитети" бор," - дейилади хабарда.
"МЮ" Луис Энрикенинг таклиф қилинишига унинг шартномавий ҳолати умид бермоқда. Испаниялик мутахассиснинг "ПСЖ" билан шартномаси 2027 йилнинг ярмигача мўлжалланган. Агар шартнома ёзгача узайтирилмаса, "қизил иблислар" катта товон тўламайди. Лекин, барчаси мураббийнинг хоҳишига боғлиқ бўлади.
