"Manchester Yunayted" sardori Brunu Fernandesh qishki transfer oynasida klubni tark etishni rejalashtirmayapti.

So‘nggi kunlarda portugaliyalik xavbek bosh murabbiy Ruben Amorim iste’foga chiqarilgach, klubdagi kelajagi haqida o‘ylayotgani haqida xabarlar tarqaldi. Eslatib o‘tamiz, keyinchalik Darren Fletcher ikki o‘yinga vaqtinchalik bosh murabbiy etib tayinlandi, Maykl Kerrik esa mavsum oxirigacha klubni boshqaradigan bo‘ldi.

Biroq, murabbiylar almashinuvi bilan bog‘liq beqarorlikka qaramay, Fernandesh hamon klubga sodiq, deb yozadi BBC vaziyatdan xabardor manbalarga tayanib. Futbolchi avvalgidek yozda, shartnomasi tugashiga bir yil qolganida vaziyatni o‘rganishni rejalashtirmoqda.

Saudiya Arabistonidan qiziqish saqlanib qolayotganiga qaramay, 31 yoshli futbolchi "Yunayted"ni tark etsa, Yevropada qolishni xohlaydi.