"Chelsi" va "Manchester Yunayted" "Roma"ning 26 yoshli darvozaboni Mile Svilarni kuzatib bormoqda. Italiya klubi serbiyalik posbonni 60 mln yevroga baholamoqda. Bu haqda Caught Offside xabar bermoqda.
Manbaga ko‘ra, futbolchining narxini hisobga olsak, "Chelsi" va "Manchester Yunayted" yanvar oyida uni sotib olishga harakat qilishi dargumon. Ammo bu transfer yozda amalga oshishi mumkin.
Serbiyalik futbolchi "Roma" safida 2022 yilning yozidan buyon to‘p tepib kelmoqda. Bu davrda Svilar barcha turnirlarda 112 ta o‘yinda maydonga tushib, shundan 41 tasida u darvozasi daxlsizligini saqlab qolgan. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 35 mln yevroni tashkil etadi.













