"Челси" ва "Манчестер Юнайтед" "Рома"нинг 26 ёшли дарвозабони Миле Свиларни кузатиб бормоқда. Италия клуби сербиялик посбонни 60 млн еврога баҳоламоқда. Бу ҳақда Caught Offside хабар бермоқда.
Манбага кўра, футболчининг нархини ҳисобга олсак, "Челси" ва "Манчестер Юнайтед" январь ойида уни сотиб олишга ҳаракат қилиши даргумон. Аммо бу трансфер ёзда амалга ошиши мумкин.
Сербиялик футболчи "Рома" сафида 2022 йилнинг ёзидан буён тўп тепиб келмоқда. Бу даврда Свилар барча турнирларда 112 та ўйинда майдонга тушиб, шундан 41 тасида у дарвозаси дахлсизлигини сақлаб қолган. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 35 млн еврони ташкил этади.
