Angliya Premyer-ligasining 2025/2026 yilgi mavsumi 22-turi doirasida «Chelsi» hamda «Brentford» jamoalari o‘rtasidagi uchrashuv yakunlandi. Bellashuv Londondagi «Stemford Bridj» stadionida bo‘lib o‘tdi. O‘yin mezbonlarning 2:0 hisobidagi g‘alabasi bilan tugadi.

Uchrashuvdagi hisobni birinchi bo‘lib Joao Pedro ochdi. «Ko‘klar»ning braziliyalik hujumchisi birinchi bo‘limda, 26-daqiqada gol urdi. Ikkinchi bo‘limda esa, 76-daqiqada Koul Palmer penaltidan aniq zarba berib, jamoasining ustunligini oshirdi.

APLda 22 ta o‘yindan so‘ng «Chelsi» 34 ochko to‘plab, turnir jadvalida oltinchi o‘rinni egallab turibdi. «Brentford» esa 33 ochko bilan yettinchi pog‘onada joylashgan.

Keyingi turda «ko‘klar» 25 yanvar kuni «Kristal Pelas»ga qarshi bahs olib boradi. «Asalarilar» esa o‘sha kuni «Nottingem Forest» bilan to‘qnash keladi.

Angliya — Premyer-liga. 22-tur
17 yanvar 2026 yil, shanba. 20:00 (Toshkent vaqti)
Chelsi (London) — Brentford (London) - 2:0
Gollar: Pedro — 26’, Palmer — 76’ (penalti)