Portugaliya terma jamoasi va "Manchester Yunayted"ning sobiq vingeri, Nani Qozog‘istonning "Aktobe" klubi futbolchisiga aylanadi. Bu haqda AmanVIBE telegram kanali xabar bermoqda.
Manbaga ko‘ra, 39 yoshli futbolchi "Aktobe" klubi bilan shartnomaning barcha shartlarini kelishib olgan va tez orada jamoa yig‘iniga qo‘shiladi. Nani bir yilga mo‘ljallangan mehnat shartnomasini tuzadi. Ta’kidlanishicha, portugaliyalik hujumchining maoshi Qozog‘iston Premyer-ligasi tarixidagi eng katta maosh bo‘ladi.
Nani 2007 yildan 2015 yilgacha "Manchester Yunayted"da o‘ynagan. Mankunianliklar tarkibida portugaliyalik futbolchi to‘rt marta Angliya chempioni bo‘lgan, shuningdek, Chempionlar ligasida g‘olib chiqqan.













