"Real"ning yosh futbolchisi "Arsenal" qiziqish doirasiga tushdi. Bu haqda insayder Fabrisio Romano xabar berdi. Gap himoyachi Viktor Valdepenyas haqida ketmoqda.
Romanoning yozishicha, "Arsenal" hozir yozgi transfer oynasi uchun rejalar ishlab chiqmoqda. Shu jarayonda klub e’tiboriga tushishi mumkin bo‘lgan futbolchilardan biri aynan Valdepenyas hisoblanadi.
Valdepenyas — "Real" va "Leganes" akademiyalari tarbiyalanuvchisi bo‘lgan yosh futbolchi. U 19 yoshda bo‘lib, markaziy himoyachi sifatida ham, chap qanotda ham harakat qila oladi. Transfermarkt ma’lumotiga ko‘ra, uning bozor qiymati 3 million yevroga baholanmoqda.
