"Реал"нинг ёш футболчиси "Арсенал" қизиқиш доирасига тушди. Бу ҳақда инсайдер Фабрицио Романо хабар берди. Гап ҳимоячи Виктор Вальдепеньяс ҳақида кетмоқда.
Романонинг ёзишича, "Арсенал" ҳозир ёзги трансфер ойнаси учун режалар ишлаб чиқмоқда. Шу жараёнда клуб эътиборига тушиши мумкин бўлган футболчилардан бири айнан Вальдепеньяс ҳисобланади.
Вальдепеньяс — "Реал" ва "Леганес" академиялари тарбияланувчиси бўлган ёш футболчи. У 19 ёшда бўлиб, марказий ҳимоячи сифатида ҳам, чап қанотда ҳам ҳаракат қила олади. Transfermarkt маълумотига кўра, унинг бозор қиймати 3 миллион еврога баҳоланмоқда.
