Leverkuzenning "Bayer" klubi darvozaboni Mark Flekken jarohati sabab yaqin o‘yinlarda jamoasiga yordam bera olmaydi. Bu haqda jurnalist Florian Plettenberg xabar berdi.

Manba ma’lumotlariga ko‘ra, 32 yoshli niderlandiyalik futbolchi Bundesligada "Xoffenxaym"ga qarshi o‘yin (0:1) vaqtida jarohat olgan. Tibbiy tekshiruv natijalari uning o‘ng tizzasida medial kollateral bog‘lam uzilganini ko‘rsatgan. Shu sababli Flekken taxminan 2 oyga safdan chiqdi.

Joriy mavsumda Flekken barcha musobaqalarda 26 ta o‘yinda maydonga tushib, 39 ta gol o‘tkazib yuborgan. 8 ta uchrashuvda esa o‘z darvozasini daxlsiz saqlab qolgan. Transfermarkt portali uning bozor qiymatini 8 million yevroga baholamoqda.