"Manchester Yunayted" vakillari o‘tgan dam olish kunlari Ispaniyada bo‘lishdi. FootballTransfers’ga ma’lum bo‘lishicha, "qizil iblislar" "Barselona" bilan hujumchi Markus Reshford masalasini muhokama qilishgan.

Reshford bo‘yicha muzokaralar aynan qanday bo‘lgani noma’lum, ammo "Manchester Yunayted"da futbolchining qaytishi masalasi muhokama qilinayotgani taxmin qilinmoqda.

Markus Reshford "Barselona"da ijarada o‘ynamoqda. Kataloniyaliklar 28 yoshli inglizni 35 million yevroga sotib olish imkoniyatiga ega, ammo klubning moliyaviy muammolari to‘siq bo‘lishi mumkin.

"Barselona" safida 29 ta o‘yinda Reshford 8 ta gol urdi va sheriklariga 11 ta golli uzatmani amalga oshirdi.